Natsistlar konslagerida mahbus bo‘lish qanday ekanligini omon qolganlardan boshqa hech kim aniq bilolmaydi. Mahbuslar har kuni qanday yashagani va atrofdagi dahshatli voqealar fonida ruhiy holatini qanday asraganini tasavvur qilishimiz mumkin, xolos.
Konslagerdan omon chiqqanlardan biri Viktor Frankl edi. U mahbuslikda o’tkazgan umrini misol sifatida ko’rsatib logoterapiya psixologik nazariyasini yaratdi. Nazariyada shaxsiy rivojlanish va og‘ir sharoitlarda omon qolish uchun hayotning ma’nosini o‘zimizcha kashf etishimiz kerakligi tushuntiriladi.
Bugungi audio-xulosamiz orqali Franklning lagerdagi kuzatuvlari hamda logoterapiya nazariyasining shakllanishi haqida bilib olamiz.